fideu.xab.cat-- --

17 de Abril: Dia Internacional de Solidariedade com os Presos e as Presas Políticas

ceivar — 2026-04-16T08:36:03Z

<https://ceivar.org/wp-content/uploa...>

No 17 de Abril, celebra-se em todo o mundo o Dia Internacional de Solidariedade com os Presos e as Presas Políticas. Da Palestina ocupada aos Estados Unidos, da América Latina à Ásia, os povos recordam neste dia às suas e aos seus militantes prisioneiros do Estado. Na Europa também: só no Reino Unido, durante o ano passado, contam-se por milhares as pessoas que foram detidas pola sua denúncia do genocídio que Israel está a cometer na Palestina, e mais de um cento as que por este motivo se encontram na prisom. Na Galiza também se contam por dúcias as pessoas detidas e multadas no último ano por este mesmo motivo. O Estado Espanhol, de facto, leva toda a súa história perseguindo e encarcerando cidadaos e cidadás polo seu compromisso político, tanto em “ditadura” como em “democracia”. Aínda a dia de hoje, no cárcere do Pereiro de Aguiar, um homem e umha mulher cumprem avultadas condenas de prisom por fazerem parte da resistência galega.

Há umha maneira de distinguir as e os presos políticos: som aquelas e aqueles que nom estám na cadeia polo seu egoísmo, mas polo seu altruísmo. Umha ladroa comum nom quer que todas as suas vizinhas sejam ladroas. Um violador nom quer que todos os que o rodeiam também o sejam. Mas os presos e as presas políticas desejariam que todas as pessoas se comportassem como elas, que o seu ativismo fosse semente e inçasse. Essa é umha diferença ética fundamental, e o motivo polo que som um exemplo de dignidade. Ademais, Asunción Losada Camba e Antom Garcia Matos -a presa e o preso político arredistas que estám no cárcere do Pereiro de Aguiar- forom detidos e condenados por defender a identidade, a terra e o povo da Galiza, frente a quem quer a sua desapariçom. Som patriotas que arriscarom a súa vida e a súa liberdade para manter acessa a chama daqueles galeguistas cujos nomes decoram as nossas rúas, mas cujo pensamento há quem quere que esqueçamos: que a nossa Tera seja nossa.

Espanha dize que som “terroristas”. Mas quando escuites falar os políticos de “terrorismo”, desconfia. A definiçom de terrorista é aquele que procura aterrorizar a populaçom para conseguir os seus objectivos. Mas ningum arredista aterrorizou nem procurou nunca aterrorizar o povo galego. Nas bocas de quem manda, “terrorista” é, simplesmente, outra forma de dizer “os meus inimigos”. E os inimigos dos poderosos seriam, com muita probabilidade, bons amigos das e dos humildes que padecemos as súas políticas.

Hoje e sempre, solidarizamo-nos com quem dedicam a sua vida a luitar contra o Mal, e pagam por isso o duro preço da cadeia. Com Antom e com Assum, que combaterom e combatem na defesa da terra, a língua e a forma de vida que nos fai galegos/as. Mas também com todas e todos aqueles que, em qualquer país, ponhem a defesa dum mundo melhor por diante das suas preferências pessoais, e por isso som boas e generosos.

Liberdade Presos/as Políticos/as!

Comunicado do CPIG polo dia da Pátria

ceivar — 2025-07-23T07:56:17Z

Desde o cárcere do Pereiro de Aguiar, o coletivo de Presos/as Independentistas Galegos/as (CPIG) fai-nos chegar as suas reflexons ante o Dia da Pátria Galega. No seu habitual comunicado por esta data, o coletivo de prisioneiros/as destaca o 50º aniversário da primeira operaçom policial contra o nacionalismo galego, que provocou o assassinato de José Ramom Reboiras Noia e o encarceramento de quatro militantes da UPG, recordando que desde entom tem havido de forma quase ininterrumpida galeguistas nas cadeias espanholas. O CPIG fai também umha análise sobre o avanço global dum fascismo de novo cunho que tem muito a ver com o esfarelamento da vida comunitária, a socializaçom através de empresas tecnológicas a extensom do individualismo e o medo. Neste contexto, alerta da desorientaçom política provocada por modas ideológicas que nos fam desligar-nos da terra e da comunidade concretas que nos envolvem, e chama a estar presentes nos combates que se avizinham por volta da defesa do nosso território e das formas de vida que se alicerçam nele.

Reproduzimos a continuaçom o texto do comunicado, que também pode ser descarregado em pdf desde aqui :

Um ano mais estamos ao vosso lado no Dia da Patria Galega. Este ano cumprem-se cinquenta da existência de presos/as nacionalistas gale-gos/as julgados/as e condenados/as em Madrid por participarem em movimentos armados de autode-fesa. E este facto por si só deve ser posto em valor.

Em Agosto do 1975, José Maria Brañas Pérez, João Manuel López Álvarez, Manuel Fernández Rodríguez e Maria Luísa Vázquez Barqueiro são detidos/as e encarcerado/as na prisão provincial da Corunha, acusados/as de formar parte de um grupo “terrorista” e participar em diversas ações armadas.

Em Junho de 2019 Antom Garcia Matos, Asunção Losada Camba, Miguel Garcia Nogales e João Manuel Sanchez Rodriguez são detidos e encarce-rados/as em Madrid pelo seu compromisso com a resitência galega, que, segundo a Audiência Nacional espanhola e várias sentenças do Tribunal Supremo é uma “organização terrorista cujo objectivo é lograr a indepêndencia do território histórico da Galiza a respeito da Espanha e de uma parte do norte de Portugal, subvertendo para isso a ordem constitucional na Galiza com a fim de estabelecer uns sinais de identidade galegos e a defesa da Terra e o meio ambiente para o qual justificam o emprego da violência contra as pessoas e os bens, como único meio de lograr os seus propósitos”

Meio século marcado por diferentes ciclos de luita frontal com o Estado espanhol trouxeram consigo o incremento da represão e a extensão da vulneração de direitos básicos, centos de cidadãos/ãs galegos/as foram vigiados/as e perseguidos/as sistematicamente, quase um centenar de detidos/as baixo a legislação antiterrorista, a maioria encarcerados/as a centos de quilómetros da Galiza. Conhecimos o exílio e a mais rigorosa clandestinidade durante anos, e tivemos que enterrar com grande pesar os nossos irmãos/as caídos em combate: José Ramom Reboiras Noia, José Ramom Vilhar Regueiro e Lola Castro Lamas. A dia de hoje, dois compatriotas continuam encarcerados suportando uma dura condena que -se não o impedirmos- deverão cumprir até 2039, e outros dois irmãos, após 12 anos de reclusão, estão aínda sujeitos a um sistema repressivo de liberdade vigiada que se pode prolongar durante 9 anos.

Nunca tivemos vocação de vítimas. Orgulhecemo-nos de ter loitado com todos os meios ao nosso alcanço e entregado o melhor das nossas vidas à fermosa tarefa de construirmos um mundo melhor, guiados pelo amor, a verdade, a justiça e a liberdade. Um povo que prescinda da sua memória e da sua história está condenado ao servilismo mais decadente. Mas só com memória histórica não avonda para reatualizar um legado de loita. Neces-sitamos novas nascentes que nutram novas artérias que encham novos regatos que colmem novos rios que reguem generosamente novas gerações.

Com mais ou menos matices somos todos/as conscientes de que estamos já imersos num novo Tempo. Transformações (socioeconómicas, tecnológicas, geopolíticas) sucedem-se a grande velocidade num marco internacional cada vez mais convulso e num contexto de sociedade desfianhada, insolidária e doente de soidades, desgarrada pelas desigualdades e a injustiça. Terreo crítico onde agarra -sabemo-lo bem- o novo fascismo emergente. Mas não nos enganemos, se o fascismo do período de entreguerras foi uma explosão de violência dirigida contra o movimento da classe obreira revolucionária, o dissimulado neofascismo de hoje e a implosão de uma sociedade já completamente desarticulada.

Vamos ser muito claros/as. Todo o claro que se pode ser com muito poucas palavras, mas dispostos/as a referendá-las com factos, como sempre figemos. O fascismo não se enfrenta nem se vence com as sobredoses de turismo ideológico de um esquerdismo impotente adito ao espectáculo teórico-académico e mediático, aos gestos inúteis, às palavras sem consequências. Esta esquerda cosmopolita sem Terra, para a que o nosso indigenismo, a Terra e o território (como espaço politicamente organizado) são apenas acidentes supérfluos, só pode malviver enganchada às cíclicas modas e plataformas globalistas que acabam por legitimar o própio pluralismo político do estado de exeção democrático.

A Terra é sagrada. Não se toca. Como os comunistas vietnamitas, afirmamos a Pátria ou morte, preferimos sacrifica-lo e perdê-lo todo a entregar a nossa Terra ao imperialismo. Parafraseando aquele precioso alegato feito baixo a ameaça de construir uma central hidroelétrica na Galiza irredenta, no Lago de Seabra, em 1993, não permitiremos que se profane a nossa Terra como não se permite fazer uma canteira na Cova de Altamira, nem vender o Tesouro da Catedral de Toledo, nem dividir o Palaço de Oriente em quartos com direito a cozinha.

Só a Terra nos prepara para a liberdade, uma liberdade que significa poder, o poder de controlar as circunstâncias da nossa própia existência como povo de paz e de trabalho.

O fascismo, irmãos/ãs, só é possível desde o momento em que, na estela de um furibundo individualismo, permitimos que se enfraqueçam as instituições populares, os laços familiares, vizinhais e comunitários a pequena escala… para serem substituídos por lealdades teledirigidas por e para o Estado e o sistema que nos assobalha.

Não há outra alternativa. Ante a ofensiva das direitas de toda a vida, ultradireitas e fascismos de novo cunho: mais Pátria, mais Terra, mais nação galega e mais independência; mais aldeia e mais comunidades de resistência. E não esqueçamos nunca aquela célebre frase do direitista e pro-fascista espanhol Calvo Sotelo, nas vésperas da guerra civil pois ela subvelva a história trágica do Estado opressor espanhol: “Prefiero una España roja a una España rota”

O arredismo galego tem mais de um século de existência: do Comité Arredista Revolucionário de Fuco Gómez em 1921, à resistência galega de começos do século XXI. Foi alimentado pelos/as melhores filhos/as da nossa classe trabalhadora e, deu mostras nos últimos cinquenta anos de uma grande responsabilidade e generosidade. Com alegria, bom ánimo e boa disposição, estaremos presentes nos próximos combates.

A luita continua!

Não renunciamos à Patria Galega!

Viva Galiza Ceive!

Denantes mortos que escravos!

Ceivar chama a Galiza solidária a se mobilizar pola liberdade de Antom e Assum no 24 de Julho

ceivar — 2025-07-14T09:58:26Z

<https://ceivar.org/wp-content/uploa...>

Como vem sendo habitual desde há quase duas décadas, Ceivar convoca neste 24 de Julho, véspera do Dia da Pátria Galega, a Cadeia Humana pola Liberdade das Presas e Presos Independentistas. Com esta mobilizaçom, a Galiza solidária quer levar às ruas de Compostela a situaçom de Antom Garcia Matos e Asunción Losada Camba, ativistas da resistência galega encarcerados desde 2019, e com condenas de mais de 20 anos de prisom polo seu compromisso com a defesa da nossa Terra.

Quando se cumprem precisamente 20 anos da publicaçom do Manifesto pola resistência galega -que daria nome à última experiência de autodefesa armada que o arredismo levantou contra a destruiçom espanhola- e finalizado já há muitos anos esse ciclo de luita, a situaçom das/os combatentes ainda em prisom corre o perigo de ir caendo no esquecimento. Por isso, de Ceivar fazemos um chamamento a realizar um esforço solidário com aquelas e aqueles que converterom a militáncia pola Galiza no centro das suas vidas, e que por isso sofrem a repressom vingativa de Espanha. A liberdade de Antom e Assum depende dumha decisom política: a vontade do governo espanhol de desativar as medidas de excepçom que fam que as presas e presos políticos cumpram penas desproporcionadas, e o fagam em condiçons extraordinárias. Para que isto seja possível, é fundamental que exista na rua umha sensibilidade e um compromisso ativo com a justiça e a liberdade dos/as presos/as.

Nesta data, também queremos denunciar a repressom que Espanha ainda mantém ativa contra contra Eduardo Vigo e Roberto Fialhega, ativistas da resistência galega já excarcerados mas sobre os que ainda pesa umha condena de 9 anos de restriçom dos direitos civis e políticos mais elementais. Umha pena de “liberdade vigilada” que lhes impedirá, por exemplo, assistir a esta mobilizaçom solidária, sob a ameaça de serem condenados novamente à prisom.

A convocatória da Cadeia Humana pola Liberdade das Presas e Presos Independentistas é para este próximo 24 de Julho, às 19:00, desde a Praça da Galiza de Santiago de Compostela.

Pikara Magazine

2025-05-04T19:54:23Z

Periodismo feminista, crítico, transgresor y disfrutón. - novedades

Nodo50

2025-05-04T19:52:34Z

Nodo50 es un proveedor de servicios de Internet sin ánimo de lucro orientado a los movimientos sociales. Desde 1994, el proyecto 'Nodo50' viene proporcionando formación, contenidos, y servicios comunicativos a cientos de grupos y organizaciones del amplio espectro de la izquierda política y social del estado español y latinoamérica.

SinPermiso

2025-05-04T18:56:18Z

Canal de noticias de Sin Permiso - novedades

Xnet – Internet, derechos y democracia en la era digital

2025-05-04T18:55:09Z

Xnet: Internet, información y cultura libres. Tecnopolítica. Datos, algoritmos y derechos digitales. Libertad de expresión. Democracia y anticorrupción

Desinformémonos

2025-05-04T17:22:06Z

Periodismo de abajo - Rubrique cachée

TARCOTECA contrainfo

2025-05-04T17:18:09Z

- novedades

www.briega.org

2025-05-04T17:06:06Z

- novedades

Red Latina sin fronteras

2025-05-04T11:06:35Z

enred_sinfronteras@riseup.net

Rebelion

2025-05-04T11:05:32Z

Opiniones y Noticias rebeldes sobre el Mundo

Portal Libertario OACA

2025-05-04T11:04:34Z

Difusión anarquista

lavaca

2025-05-04T07:08:18Z

Agencia de noticias de libre circulación

Ceivar

2025-05-04T07:06:09Z

- novedades

ANRed

2025-05-04T06:48:49Z

Marcha e concentraçom ante o cárcere do Pereiro de Aguiar

ceivar — 2025-04-06T15:32:22Z

No próximo 17 de Abril, coincidindo com o Dia Internacional de apoio às Presas e Presos Políticos, Ceivar convoca umha marcha e umha concentraçom ao Centro Penitenciário do Pereiro de Aguiar, em Ourense, onde se encontram prisioneiras/os Asunción Losada Camba e Antom Garcia Matos . <https://ceivar.org/wp-content/uploa...>

A convocatória é às 17h na entrada da aldeia de Reboredo, no Pereiro de Aguiar, muito perto da prisom. Eis a localizaçom exata do lugar . Recomenda-se a todo o mundo levar colete refletante para andar pola estrada que vai até a cadeia, e evitar sançons da Guarda Civil.

Depois da concentraçom, contra a noitinha, haverá petiscos e foliada no Centro Social A Galheira, na Praça de Sam Cosmede. Nom faltes!!

Campanha solidária com 9 ativistas pró-palestina processadas

ceivar — 2025-03-14T14:49:36Z

Finalmente, o Estado espanhol apresentou cargos contra as nove pessoas detidas em Santiago no passado mês de Outubro durante as mobilizaçons de apoio à Palestina. Naquela altura, cinco ativistas foram detidas após o despejo dum Burger King ocupado para denunciar a cumplicidade da empresa com o sionismo, mentres que as outras quatro pessoas seriam arrestadas horas depois, na concentraçom de solidariedade com as cinco primeiras.

Ante o juízo ao que todas elas se enfrentarám, vem-se de articular umha campanha de solidariedade sob o título “9 detençons, 0 explicaçons”, que será apresentada publicamente nesta quarta-feira, dia 12 de Fevereiro, através da conta de Instagram @9detencions . Eis o manifesto difundido pola iniciativa:

9 detencións, 0 explicacións

Na xornada de loita do 6 de outubro de 2024 sufriuse en Compostela unha das maiores respostas represivas e violentas por parte da policía en anos. Unha resposta policial cun único propósito: suprimir a solidariedade internacionalista da nosa clase co pobo palestino. Un pobo que vive baixo as bombas e a ocupación dun réxime racista e capitalista, ao que nós plantamos cara ao berro de “morte ao sionismo”.

Tras a manifestación desa mañá, que denunciaba o apartheid e a escalada bélica perpetrada polo Estado de Israel, un grupo de manifestantes dispuxéronse a realizar un boicote de BDS xunto á Rede Galega por Palestina. Nel, condenouse a complicidade xenocida de Burger King, nun dos seus locais da cidade. A policía non tardou en expulsar aes manifestantes do interior.

Xa fóra, a policía comezou a súa ofensiva violenta: cargas, empurróns, inmobilizacións e cinco detencións, da man dunha brutalidade desmedida que provocou varies ferides. Unha vez que as persoas detidas foron levadas á comisaría da Policía Nacional, a resposta social foi inmediata, convocando unha concentración de urxencia, para esixir a súa liberdade. Na reacción da policía a esta concentración repetiuse a agresividade, cargando contra as decenas de persoas presentes, das que catro foron detidas.

A xornada rematou con nove detencións, mais cero explicacións. Non sorprende: o Estado nunca dá explicacións, nin pola súa venda de armas ao Estado de Israel, nin pola infiltración de policías en movementos sociais, nin pola defensa os intereses de quen explota aes desposuídes. Estas detencións non son un caso illado, senón que forman parte dun contexto de continua persecución a todo movemento organizado. A clase dominante non pode permitir a nosa ameaza. Unha ameaza que se fai real con cada boicote, cada folga ou en cada manifestación.

Ante estes graves feitos, esiximos que, tanto responsables polítiques como policías, sexan investigades, sancionades e xulgades pola vulneración dos nosos dereitos políticos. Un ataque contra todes nós, e contra a liberación de Palestina dende o río até o mar, que tenta estender o medo na rúa mediante sancións económicas e penais.

Máis que nunca, reafirmamos a nosa postura: avogamos pola loita internacionalista solidaria, defendemos a autodeterminación e autoorganización dos pobos ante todo axente autoritario, e reivindicamos que cada ataque contra a nosa clase, en calquera lugar do mundo, debe ser respondido por todes.

De Ceivar damos todo o nosso apoio às e aos ativistas detidos e processados, ao tempo que animamos toda a juventude solidária a continuar com as mobilizaçons de denúncia da barbárie israelita, sem medo às conseqüências repressivas com que o cúmplice espanhol pretenda silenciar-nos.

Olá, mundo!

ceivar — 2024-03-23T19:19:01Z

Boas-vindas ao WordPress. Este é o seu primeiro artigo. Edite-o ou elimine-o, e depois comece a escrever!

- novedades